Omalunduluko ngoka ga ningwa mEkonakonombiimbeli lyEgongalo nomOkugongala kwoPailonga
Okutameka mo 3 gaSeptemba, Ekonakonombiimbeli lyEgongalo otali ka kala hali ningwa uule wominute 30. Ngoka ta kwatele komeho ne endulule shoka shi ilongelwe oshikando sha za ko mefalomo lye ndyoka e na okuninga meni lyomunute gumwe. Okugongala kwoPailonga nako otaku ka kala haku ningwa uule wominute 30. Itapu ka kala we pu na oshitopolwa sha nuninwa omatseyitho. Pehala lyaashono, omatseyitho oge na okuningwa petameko lyoshitopolwa shotango. Olundji, itapu ka kala naanaa omatseyitho, noinashi pumbiwa okutseyithila egongalo shoka tashi ka kundathanwa pokugongala. Omatseyitho ge na ko nasha niilonga yomomapya, okwoopaleka nosho wo omakundo kage na okuningwa. (km-KY 10/08 ep. 1, okat. 4) Ngele opu na omatseyitho omale ge na okuningwa, otashi ka kala shi li nawa ngele mboka ye na iitopolwa oya tseyithilwa manga kuyele ya fupipike ethimbo lyawo.