“Nkene tatu vulu okugandja iifo . . . ”

Ongomukalondjigilile, omwedhi kehe otwa kala tu na oshitopolwa pOkugongala kwoPailonga shi na ko nasha nokugandja iifo muukalele. Elalakano kali shi okutala koshikalimo shiifo. Pehala lyaashono, oshitopolwa shika osha tulwa mo nelalakano lyokukundathana nkene tatu vulu okugandja iifo muukalele. Onkee ano, ngaashi elombwelo tali ti, omumwatate ngoka ta kwatele komeho na ninge efalomo efupi a penduthe ohokwe yaamwatate miifo mbika. Na pule aauvithi ya popye nkene taya ka gandja oshitopolwa shimwe (nenge mbyoka ya pambathana), opo ayehe ya vule okulandula nokundhindhilika omaetopo ngoka ya hala oku ka longitha. Pehala lyokupula aapulakeni ya ninge efalomo alihe, na pule owala kutya epulo lini tali pendutha ohokwe taya ka pula e ta pula wo kutya enyolo lini taya ka lesha. Pehulilo napu ningwe euliko lyankene oshifo kehe tashi vulu okugandjwa. Otatu ladhipikwa tu leshe iifo mbyoka e tatu ilongekidha manga inaatu ya kokugongala, opo tu ka gandja omaetopo getu. Oshitopolwa shika otashi ke tu kwathela tu tungathane, ngele atuhe otwa kala hatu ilongekidha nawa. — Omayel. 27:17.