Natu ‘holeni ooitaali ooyakwetu’ ayehe
Oohapu dha nwethwa mo dhoshipalanyolo shika odha li dha nyolwa konyala omimvo 2 000 dha pita. (1 Pet. 2:17) Ihe otwa pumbwa oku dhi tula miilonga kunena shi vulithe nale. Ihe ongiini tatu vulu okukala tu hole ooitaali ooyakwetu kongonga yevi alihe? Nongiini tatu vulu okushilipaleka kutya ohole yetu itayi talala muuyuni mbuka kaawu na ohole? (Mat. 24:12) Tala ngele oto vulu okuyamukula omapulo taga landula sho to tala okavidio kedhina Our Whole Association of Brothers.
(1) Uunake hatu ningi oshitopolwa shongundu yooitaali yokongonga yevi alihe? (2) Omomaipyakidhilo gopatatu geni hatu kutha ombinga pamwe nongundu yooitaali ooyakwetu muuyuni awuhe? (3) Aamwatate otaya ulike ngiini kutya oya tokola okuuvitha (a) momikunda dhaAlaska, (b) pomatuliloskepa gaEuropa nosho wo (c) momakuti ga thita gaPeru? (4) Omolwashike kaatu na okukala tatu dhiladhila kutya iilonga yokuuvitha kayi na oshilonga? (5) Gandja iiholelwa yankene Oonzapo dhaJehova dha kala hadhi hekelekathana nokwaambidhidhathana (a) konima yekakamo lyevi, (b) konima yoshikungulu oshinene (c) nopethimbo lyiita yopashigwana? (6) Omomikalo dhini tatu vulu okuulika uukwatya mboka tawu ndhindhilikitha mo ongundu yooitaali yashili muuyuni awuhe? (Joh. 13:35) (7) Uuwanawa wuni hawu zi mokulonga pamwe iilonga yokutunga iinyanga yetu yUukwaniilwa? (8) Iilonga sho ya li yi indikwa moEuropa lyokUuzilo nomoRusia, aamwatate oya li ya hupu ngiini pambepo? (9) Oonzapo odhindji ohadhi ningi oonkambadhala dhi thike peni dhi kale po piigongi, nomolwashike? (10) Okavidio hano oke ku kwathela ngiini wu kale wa tokola (a) okulongela Jehova pomakugongala gopaKriste naamwaho mwa hangana, (b) okukwathela yalwe pethimbo lyuudhigu (c) nokuuvitha nuudhiginini ethimbo kehe nomomukalo kehe to vulu? (11) Ongiini nuunake tatu vulu okulongitha okavidio hano muukalele?
Etompelo lyetu lya simana lyokukala oshitopolwa shongundu yooitaali muuyuni awuhe olyo ohole yetu yokuhola Jehova. Ano, otu hole okwiilonga nokulonga yalwe kombinga ye. Notu hole aantu mboka Jehova e hole. Uuna tatu ya kwathele pethimbo lyuudhigu, ihatu kala twa tegelela Kalunga e tu pandule. Pehala lyaashono, ohatu pandula Kalunga, molwaashoka otwa tala ko ongundu yooitaali yi li omagano ge na ondilo ga za kuye. Sho omasiku gahugunina guuyuni mbuka kaawu na ohole taga ende taga pu ko, natu tsikile okuulukila ooitaali ooyakwetu ayehe ohole.