Omatseyitho

◼ Iileshomwa mbyoka tayi gandjwa muFebuluali: Gandja kamwe komuubroshure womapandja 32 tawu landula: Ombiimbeli oyi na etumwalaka lini?, Oto vulu okukala kuume kaKalunga nosho wo Ondjila ndjoka tayi fala komwenyo gwaaluhe mbela owe yi mona? Uuna to ningi omaishunoko, kambadhala okutameka omakonakonombiimbeli to longitha embo Omalongo gOmbiimbeli nenge okabroshure Kala ho pulakene kuKalunga opo wu ka kale nomwenyo sigo aluhe ngele oko ke mu opalela. Maalitsa naApilili: Iifo yOshungolangelo no-Awake! Uuna to ningi omaishunoko, ulukila omunegumbo embo Omalongo gOmbiimbeli nenge okabroshure Kala ho pulakene kuKalunga opo wu ka kale nomwenyo sigo aluhe ngele oko ke mu opalela e to kambadhala okutameka ekonakonombiimbeli. Mei: Gandja okatraktate Mbela owa hala okutseya oshili? nenge okatraktate kalwe hoka egongalo lyeni li na mostoka. Mpoka omunegumbo u ulika ohokwe, mu ulukila nkene ekonakonombiimbeli hali ningwa to longitha embo Omalongo gOmbiimbeli nenge okabroshure Kala ho pulakene kuKalunga opo wu ka kale nomwenyo sigo aluhe.

◼ Oshipopiwa shomontaneho shi ikalekelwa shopethimbo lyoomwedhi dhEdhimbuluko mo 2013 otashi kala shi na oshipalanyolo “Mbela eso olyo ehulilo lyaantu ayehe?”

◼ Opwa longekidhwa omusindilo omupe gwoshipopiwa shEdhimbuluko noshi na okugandjwa kwaayehe mboka taya ka gandja oshipopiwa shEdhimbuluko mo 2013. Oshi na oshipalanyolo “Ulika kutya owa pandula shoka Kristus e ku ningila.”

◼ Oshikonga shiitopolwa ihaayi longwa shito shomo 2012 osha li she ende nawa noonkondo. Moshitopolwa shoka shi li kohi yoshitayimbelewa shetu, omagongalo 433 nosho wo aauvithi 7 987 oya li ya ambidhidha oshikonga shika. Oya li ya gandja omambo 8 829, uubroshure 32 682 niifo 82 795 kwaamboka yu ulika ohokwe, noya li wo ya ningi omaishunoko 5 062 nosho wo omakonakonombiimbeli 778. Otwa tegelela nondjuulukwe oku ka kutha ombinga moshikonga shomo 2013.