Eendululo lyOsikola yOkudheula Aauvithi

Omapulo taga landula otaga ka kundathanwa pOsikola yOkudheula Aauvithi moshiwike tashi tameke no 29 Apilili 2013. Esiku moka oshitsa kehe tashi ka kundathanwa nalyo olya tulwa po wu vule okuninga omapekapeko sho to ilongekidhile osikola oshiwike kehe.

1. Jesus okwa li a gandja elondodho lya kwata miiti lini kombinga yondjokana ndyoka li li muMarkus 10:6-9? [4 Maal., w08 2/1 ep. 32 okat. 8]

2. Okulongela Jehova nomwenyo aguhe otashi ti shike? (Mark. 12:30) [4 Maal., w97 11/1 ep. 9 okat. 4]

3. ‘Etameko lyoshitheta’ ndyoka tali popiwa muMarkus 13:8 oshike? [11 Maal., w08 3/1 ep. 18, okat. 2]

4. Mbela omayi goluvalo gaMaria oga li ge na ombinga yasha mokusimbapala kwe? (Luk. 1:35) [18 Maal., w08 3/1 ep. 30, okat. 5]

5. Oshike tu na okuninga sho tu shi kutya Satana oha kongo “ethimbo lyo opala” a makele uudhiginini wetu? (Luk. 4:13, NW) [25 Maal., w11 1/1 ep. 26, okat. 10]

6. Oohapu ndhoka dhi li muLukas 6:27, 28 otu na oku dhi tula ngiini miilonga? [25 Maal., w08 5/1 ep. 12, okat. 4]

7. Omolwashike Jesus ini indika omulumentu ngoka a li ta tidha mo oompwidhuli, nonando okwa li kee shi omulanduli gwe? (Luk. 9:49, 50) [1 Apl., w08 3/1 ep. 31, okat. 3]

8. Omeityo lini aalanduli yaKristus ye na ‘okutonda’ aapambele yawo? (Luk. 14:26, OB-1954) [15 Apl., w08 3/1 ep. 32, okat. 1; w92 7/1 ep. 21 okat. 3-5]

9. “Omandhindhiliko” ngoka taga ka holoka “ketango, komwedhi nokoonyothi” otaga ka guma aantu ngiini? (Luk. 21:25) [22 Apl., w97 4/1 ep. 26-27 okat. 8, 9]

10. Ongiini tatu vulu okuholela omukalo gwaJesus gwokugalikana, uuna twa taalela omamakelo omadhigu noonkondo? (Luk. 22:44) [29 Apl., w07 8/1 ep. 4 okat. 7]