Eendululo lyOsikola yOkudheula Aauvithi

Omapulo taga landula otaga ka kundathanwa pOsikola yOkudheula Aauvithi moshiwike tashi tameke no 26 Auguste 2013. Esiku moka oshitsa kehe tashi ka kundathanwa nalyo olya tulwa po wu vule okuninga omapekapeko sho to ilongekidhile osikola oshiwike kehe.

1. Oshiilongomwa shini sha simana tatu ilongo moshiholelwa shomukwaniilwa Herodes sho a li a zimine a tangwe nokusimanekwa kaantu? (Iil. 12:21-23) [1 Jul., w08 5/1 ep. 32 okat. 7]

2. Aagundjuka Aakriste otaya vulu ngiini okumona uuwanawa paumwene uuna taya konakona nokulandula oshiholelwa shaTimoteus? (Iil. 16:1, 2) [8 Jul., w08 5/1 ep. 32 okat. 10]

3. Priskila naAkula oya li ya kwathele Apollos ngiini, konima sho ye mu uvu ta ‘popi nuulaadhi’ mosinagonga muEfeso? (Iil. 18:24-26) [15 Jul., w10 6/1 ep. 13 okat. 4]

4. Omolwomatompelo gopamanyolo geni Oonzapo dhaJehova hadhi yi kompangu, opo dhi popile iilonga yadho yokuuvitha? (Iil. 25:10-12) [22 Jul., bt ep. 198 okat. 6]

5. Omuyapostoli Paulus okwa li a ningi oonkambadhala dhini a tsikile nokuuvitha sho e li mondholongo muRoma, nogiini aapiya yaJehova kunena haya landula oshiholelwa shaPaulus? (Iil. 28:17, 23, 30, 31) [29 Jul., bt ep. 216 okat. 19-23]

6. Mbela mboka taya popiwa moovelise ndhika ye na eihumbato ewinayi oya li Aajuda nenge oomboka kaye shi Aajuda? (Rom. 1:24-32) [5 Aug., w08 6/1 ep. 11 okat. 5]

7. Ongiini ‘ekulilo lyaJesus Kristus’ ndyoka a gandja momumvo 33 E.N. tali vulu okudhima po ‘oondjo ndhoka’ dhonale? (Rom. 3:24, 25) [5 Aug., w08 6/1 ep. 11 okat. 6]

8. Jehova okwa tula po elongekidho lini lyopahole ndyoka tali tu kwathele uuna twi iyadha twa ngwangwana, nokatu shi kutya natu galikane tatu ti ngiini? (Rom. 8:26, 27) [Aug. 12, w08 6/1 ep. 12 okat. 10]

9. Uutumbulilo ‘okwedhilila oondjendi’ owa hala okutya shike? (Rom. 12:13) [19 Aug., w09 10/1 ep. 13-14 okat. 12-13]

10. Ongiini hatu “zala Omuwa Jesus Kristus” ngaashi omuyapostoli Paulus ta ladhipike? (Rom. 13:14) [26 Aug., w05 1/1 ep. 23 okat. 20-22]