Iizemo yinyanyudha yiilonga yomomapya

Iilongo ayihe mbyoka tayi wilikwa koshitayimbelewa shaSouth Africa oya li ya pewa uunzapo uuwanawa muFebuluali 2013. Aakokolindjila yondjigilile aape oyendji mboka ya tameke momumvo gwiilonga nguka tu li, oyo unene ya dhana onkandangala moshinima shika. Ngashingeyi otu neni omakonakonombiimbeli ogendji notatu galikana Jehova a tsikile noku tu yambeka naakonakoni oyendji. Osha simanenena tu tsikile nokutekela oombuto dhUukwaniilwa ndhoka hatu kunu. — 1 Kor. 3:6, 8, 9.