Iizemo yinyanyudha yiilonga yomomapya

MuApilili South Africa okwa li a lopota lwiikando iyali oshitsa shopombanda shaakonakonimbiimbeli ye li 139 636. Aauvithi ye li 10 520 oya li ya kutha uukwathelikokolindjila muApilili, shoka sha li she etitha opo omwaalu gwaakwathelikokolindjila muMaalitsa naApilili gu kale 33 184. Omiyalu ndhoka dha longwa nuumvo odhindji okuyelekanitha naandhoka dhaApilili 2012. Oyendji oya li yi ipyakidhila muukalele pethimbo lyoomwedhi ndhoka dhi ikalekelwa notwa halelela oku ka uva iizemo yiilonga yetu yuudhiginini. Otatu mu pandula noonkondo aamwatate naamwameme. Inamu shi etha. — Omayel. 25:25.