Omatseyitho

◼ Iileshomwa tayi gandjwa muDesemba: Omalongo gashili gOmbiimbeli ogeni naanaa? nenge Mbela owa hala okutseya oshili? Mpoka omuntu tu ulike ohokwe mu ulukila nkene ekonakonombiimbeli hali ningwa to longitha embo Omalongo gOmbiimbeli nenge okaborushure Onkundana ombwanawa ya za kuKalunga. Januali naFebuluali 2014: Gandja okabroshure Onkundana ombwanawa ya za kuKalunga nenge okabroshure kehe hoka mu na mostoka. Uuna to shuna ko ulukila omunegumbo embo Omalongo gOmbiimbeli. Ngele otashi opalele omuntu ngoka to talelepo longitha okabroshure Onkundana ombwanawa ya za kuKalunga nenge Kala ho pulakene kuKalunga opo wu ka kale nomwenyo sigo aluhe e to ningi oonkambadhala wu tameke ekonakonombiimbeli. Maalitsa naApilili 2014: Oshungolangelo no-Awake! Uuna to shuna ko ulukila omunegumbo embo Omalongo gOmbiimbeli. Ngele otashi opalele omuntu ngoka to talelepo longitha okabroshure Onkundana ombwanawa ya za kuKalunga nenge Kala ho pulakene kuKalunga opo wu ka kale nomwenyo sigo aluhe e to ningi oonkambadhala wu tameke ekonakonombiimbeli.

◼ Edhimbuluko mo 2015 otali ka kala ko mEtitano, mo 3 Apilili 2015.

◼ Omagongalo taga landula oga li ga nyanyukwa sho Iinyanga yUukwaniilwa yago iipe ya li ya yapulwa. Omagongalo ongaashi Bakenberg li li moLimpopo nosho wo Nu-Ermelo li li moMpumalanga.

◼ Oshikonga shiitopolwa ihaayi longwa mo 2014 otashi ka kala ko muMaalitsa, Apilili naMei. Aakuluntugongalo otaya ladhipikwa ya ninge mbuku ndende itetuka nokukala wo taya tseyithile aauvithi kutya uunake, na openi tapu ka longwa.

◼ Aavali otaya ladhipikwa ya longithe omaetopo ngoka ge li mUukalele Wetu wUukwaniilwa waJuli 2013, epandja 4, pethimbo lyElongelokalunga lyuukwanegumbo, opo ya kwathele oyana ya kale yi ilongekidhila omashongo ngoka taye ki iyadha mugo sho osikola tayi tameke, petameko lyomumvo.