Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaMei

“Aantu oyendji opo owala ya dhimbulukwa eso lyaJesus. Mbela owi ipulile ngaa nale kutya ongiini tatu vulu okumona mo uuwanawa meso lye?” [Tegelela a yamukule.] Mu ulukila oshitopolwa “Omapulo gopaMbiimbeli taga yamukulwa” shi li mOshungolangelo yaMei-Juni, e tamu tala uuyelele mboka wu li kohi yepulo lyotango nenyolo nando olimwe lyomwaangoka ge etwa po. Mu pa oshifo, e to ningi elongekidho wu galuke mu ye mu kundathane epulo lya landula ko.

Oshungolangelo Mei-Juni

“Aantu oyendji ohayi ipula kutya omolwashike Kalunga ihaa katuka onkatu a hulithe po okwaanuuyuuki nokumona iihuna hoka ku li muuyuni. Mbela oto dhiladhila kutya omolwaashoka Kalunga ke na ko nasha nenge kutya omolwaashoka e wete shi li nawa aantu ya mone iihuna? [Tegelela a yamukule. E tamu lesha Johannes 3:16.] Nonando aantu oyendji ohaya totha enyolo ndika yu ulike kutya Kalunga oku na ko nasha, kaye shi kutya eso lyomwana gwaKalunga olye ya etela uuwanawa washike. Oshifo shika otashi yelitha nkene eso lyaJesus lye shi ninga tashi wapa okwaanuuyuuki nosho wo okumona iihuna ku hulithwe po.”

Awake! Mei

“Otatu talele po aantu paufupi tu ya kwathele nkene ye na okuungaunga neuvonayi lyokomutima. Mbela owu wete kunena kutya aantu oyendji oyu uvite nayi unene komitima shi vulithe nale? [Tegelela a yamukule.] Aantu oyendji oya mona kutya omayele golela ngoka ge li mOmbiimbeli ohage ya kwathele yu ungaunge neuvonayi lyokomutima. Mpaka opu na oshiholelwa shimwe. [Lesha Mateus 6:34.] Oshifo shika otashi yelitha nkene omakotampango gOmbiimbeli taga vulu oku tu kwathela tu ungaunge niinima ine mbyoka hayi eta euvonayi lyokomutima.”

Ndhindhilika: Oshifo shika otashi vulu okukala oshihokithi unene tuu kaanangeshefa.