Iizemo yinyanyudha yiilonga yomomapya
Elongekidho epe lyokulopota uutraktate olya li lya tameke muNovomba notwa nyanyukwa oku mu tseyithila kutya uutraktate owundji owa li wa gandjwa moshitopolwa shoka shi li kohi yoshitayimbelewa shetu. Shimwe ishewe, Namibia okwa lopota iitsa iyali yopombanda iipe, shaakokolindjila yondjigilile 251 nosho wo shaauvithi 2 182. South Africa okwa lopota omwaalu gwaauvithi 93 982, gwa ya pombanda noopelesenda mbali gu vulithe pomwaalu gwomo-2013. Oolopota ndhika tadhi nyanyudha otadhi gandja uunzapo kutya aapiya yaJehova otaya uvithile yalwe onkundana ombwanawa nopwaahe na oku yi ngungunina. — Omayel. 3:27.