Iizemo yinyanyudha yiilonga yomomapya

Olopota yetu yiilonga yomomapya yaDesemba oyu ulika kutya aauvithi moshitopolwa shoka shi li kohi yetonatelo lyoshitayimbelewa shetu oya longa shili nuudhiginini muukalele. South Africa okwa lopota oshitsa shopombanda oshipe shuubroshure, shuumbo nosho wo shuutraktate mboka wa gandjwa 974 302. Botswana okwa lopota omakonakonombiimbeli 4 015 okuyelekanitha naangoka 3 597 gomuDesemba 2012. Lesotho okwa lopota oowili 83 567 dhomuukalele okuyelekanitha noowili 77 042 dhomuDesemba 2012. Namibia okwa lopota uubroshure, uumbo, nuutraktate 32 771. St. Helena okwa lopota omakonakonombiimbeli 81 na Swaziland okwa lopota 3 876. Otatu mu pandula shili aamwatate naamwameme! Tsikileni okutaandeleka onkundana ombwanawa miitopolwa yeni! — Iil. 5:28.