Omatseyitho

◼ Iileshomwa mbyoka tayi gandjwa muAuguste: Oshikonga shi ikalekelwa shokafo ko-Web site yetu jw.org. Septemba naKotoba: Oshungolangelo no-Awake! Novomba naDesemba: Omalongo gashili gOmbiimbeli ogeni naanaa? nenge okafo kehe hoka egongalo li na mositoka. Omagongalo ngoka ge na uufo uukulu mositoka oge na okuninga oonkambadhala ge wu gandje muukalele, opo ge wu mane po.

◼ Otwa nyanyukwa oku mu tseyithila kutya omagongalo taga landula oga li ga nyanyukwa sho Iinyanga yUukwaniilwa yago iipe ya langekwa. MoEastern Cape: Upper Qunu. MoMpumalanga: Okkernootboom. MoNorth West: Motsoseng South nosho wo Radithuso.

◼ Elandulathano lyokugongalo koshiwike shoka tashi tetekele oshigongi shoshitopolwa sheni otali ka lundulululwa. Otashi ningwa opo mu endulule iinima nosho wo omaidhimbulukitho ngoka ga li ga kundathanwa pokugongala koshiwike shomasiku 21 Apilili. Otamu vulu okulongitha oshitopolwa shoompumbwe dhegongalo mu endulule iitsa mbyoka aauvithi ya likola po, tayi ke ya kwathela muukalele. Oompumbwe ndhoka otamu vulu oku dhi ninga konima yomwedhi gumwe nenge yoomwedhi mbali.