Iizemo yinyanyudha yiilonga yomomapya

MuAuguste uunzapo wa kola owa li wa gandjwa moshitopolwa shoka shi li kohi yoshitayimbelewa shetu! Aamwatate naamwameme ye vule po-20 000 oya li ya kutha uukwathelikokolindjila nuutraktate oomiliyona 3 owa li wa taandelithwa. Botswana okwa lopota oshitsa shopombanda oshipe shaauvithi 2 216, omaishunoko 19 762 nomakonakonombiimbeli 4 785. Namibia okwa lopota oshitsa shopombanda oshipe shi ikalekelwa shaauvithi 2 422. Swaziland okwa lopota oshitsa shopombanda oshipe shaauvithi 3 246. Otwa nyanyukilwa unene tuu oshitsa shopombanda oshipe shaauvithi 98 775 moSouth Africa. Omwaalu gwaauvithi moSouth Africa otu gu wetele po-100 000. Jehova na laleke nuuyamba oonkambadhala dhetu sho tatu tsikile okuuvitha onkundana ombwanawa yuukwaniilwa we nopwaahe na okusholola. — Iil. 5:42.