Okuhwepopaleka uunkulungu wetu muukalele — Tameka ekonakonombiimbeli mokambo Onkundana ombwanawa ya za kuKalunga petalelopo lyotango
Omolwashike sha simana: Otu na okukala aalongi yOohapu dhaKalunga, opo tu vule okuninga aantu aalongwa. (Mat. 28:19, 20) Uuna atuheni tatu longitha iilongitho mbyoka twa pewa, otatu ke shi pondola mokulonga aantu oshili. Okambo Onkundana ombwanawa ya za kuKalunga oka nuninwa unene tuu oku tu kwathela tu longe aantu oshili. Otatu vulu oku ka longitha tu tameke ekonakonombiimbeli nomunegumbo petalelopo lyotango paandjawo..
Kambadhala wu shi ninge momwedhi ngu:
Galikana Jehova e ku kwathele wu mone ekonakonombiimbeli. Mu pula wo e ku kwathele sho to li tameke, nowu pondole mokulonga aantu. — Fil. 2:13.
Iyenditha po nawa pomafalomo mesiku lyelongelokalunga lyuukwanegumbo nenge pekonakono lyoye lyopaumwene. Kungawo, oto ka vula okupopya wu na uushili, noto ka vula okutameka nomunegumbo ekonakonombiimbeli petalelopo lyoye lyotango.