OMALIKO OKUZA MOOHAPU DHAKALUNGA | JEREMIA 22–24
Mbela owu na ngaa ‘omwenyo gwokutseya’ Jehova?
Jehova okwa yelekanitha aantu noonkwiyu
24:5
Aantu mboka aadhiginini ya li mokati kAajuda muupongekwa muBabilonia, oya li ya fa oonkwiyu oombwanawa
24:8
Omukwaniilwa Sedekia ngoka kaa li omudhiginini nayalwe mboka ya longo shoka oshiwinayi, oya li ya fa oonkwiyu oombwinayi
Ongiini tatu vulu okukokeka ‘omwenyo gwokutseya’ Jehova?
24:7, OB-1954
Jehova ote ke tu pa ‘omwenyo gwoku mu tseya,’ ngele otwa konakona Oohapu dhe noku dhi tula miilonga
Natu konakone nuukeka omitima dhetu nokuvudha mo iikala nomahalo ngoka taga yono po ekwatathano lyetu naJehova