Landula thiluthilu oshiholelwa shaKristus

Jesus okwe tu tulila po oshiholelwa tu shi landule, unene tuu uuna tatu makelwa nenge tatu hepekwa. (1Pet 2:21-23) Nonando okwa li a tukwa, ina shunithila omuntu uuwinayi, nokuli naasho a li ta hepekwa. (Mark 15:29-32) Oshike sha li she mu kwathele i idhidhimike? Okwa li a tokola toko okulonga ehalo lyaJehova. (Joh 6:38) Okwa kala wo a gandja eitulomo ‘kenyanyu ndyoka lya li lye mu tegelela.’ — Heb 12:2.

Ohatu inyenge ngiini ngele tatu hepekwa molweitaalo lyetu? Aakriste yashili ihaya ‘shunitha uuwinayi.’ (Rom 12:14, 17) Uuna tatu holele omukalo moka Kristus a li i idhidhimikile okuhepekwa, otatu vulu okukala twa nyanyukwa, molwaashoka otwa hokiwa kuKalunga. — Mat 5:10-12; 1Pet 4:12-14.

TALA OKAVIDIO EDHINA LYAJEHOVA OLYA SIMANA NOONKONDO, E TO YAMUKULA OMAPULO NGAKA:

• Omumwameme Pötzingera okwa li a longitha ngiini ethimbo lye pandunge, sho a li e edhililwa mondholongo oye awike?

• Omumwatate nomumwameme Pötzinger oya li yi idhidhimikile omahepeko geni mookamba dhoonkwatwa dhi ili nodhi ili?

• Oshike sha li she ya kwathele yi idhidhimike?