Okuhwepopaleka uunkulungu wetu muukalele — Okulongitha epandja JW.ORG

OMOLWASHIKE SHA SIMANA?: Oshileshomwa kehe shi li moshimpungu shiilongitho yetu yomuukalele oshi na okwoode jw.org. Elalakano lya simana lyokakalata ketu nolyokafo Openi tatu vulu okwaadha omayamukulo gomapulo ga simanenena monkalamwenyo?, olyo okufala aantu kepandja lyetu. Oto vulu okugandja oshileshomwa okuza moshimpungu shiilongitho yetu yomuukalele, mokulongitha epandja jw.org oku shi tumina omuntu mo-email nenge moku mu tumina o-link yasho. Shika otashi vulu oku ku kwathela unene tuu uuna to gandja uunzapo kugulwe ngoka ha popi elaka lilwe. Niishewe, aantu otaya vulu okupula omapulo ngoka ga yamukulwa nale miileshomwa mbyoka itaayi adhika moshimpungu shetu. Uuna tatu longitha epandja lyetu, otatu vulu okupondola lela muukalele wetu.

NKENE TATU VULU OKU SHI NINGA:

• 

  Longitha oshitopolwa “BIBLE TEACHINGS.” Natu tye ando oto gandja uunzapo komuvali ngoka a hala uuyelele owundji kombinga yokuputudha oyana. Inda mpoka pwa nyolwa BIBLE TEACHINGS > MARRIAGE & FAMILY.

• Longitha oshitopolwa “IILESHOMWA.” Natu tye nduno oto gandja uunzapo wontukuluka kosikola nowa hala okupa omunasikola omukweni oshileshomwa Omayamukulo gomapulo omulongo ngoka aagundjuka haya pula. Inda mpoka pwa nyolwa IILESHOMWA > OMAMBO NUUMBO.

• Longitha oshitopolwa “KOMBINGA YETU.” Natu tye ando oto gandja uunzapo komuniilonga omukweni ngoka a hala okulesha uuyelele paufupi kombinga yeitaalo lyetu. Inda mpoka pwa nyolwa KOMBINGA YETU > OMAPULO NGOKA HAGA PULWA OLUNDJI.

TALA OKAVIDIO OKULONGITHA EPANDJA JW.ORG, NYOLA MPOKA TO VULU OKUYA KEPANDJA LYETU LYOKOINTANETA:

• wu kwathele omuntu ngoka ini itaala muKalunga

• wu kwathele ngoka opo a zi muupyakadhi uunenenene

• wu kwathele omumwatate nenge omumwameme ngoka ini ipyakidhila we

• wu kwathele ngoka ti ipula kutya iilonga yetu ohayi ambidhidhwa ngiini pashimaliwa

• wu kwathele ngoka a za koshilongo shilwe a hala oku ka ya kokugongala koshilongo shawo