Otu na okukondja opo tu kale moshili

Judas 3

Jesus okwe tu kumagidha a ti: “Kondjeni, mu ye mo mosheelo shoka sha patekidha.” (Luk 13:24) Oohapu ndhoka dhaJesus otadhi ulike kutya otu na okuninga lela oonkambadhala, opo tu hokiwe kuKalunga. Judas, omumwayina gwaJesus okwa li a nwethwa mo a nyole oshinima sha faathana a ti: ‘Kondjela eitaalo.’ Otwa pumbwa okuninga oonkambadhala twa mana mo opo tu ninge iinima tayi landula:

• Tu yande oluhondelo. — Jud 6, 7

• Tu simaneke mboka ye na oonkondopangelo. — Jud 8, 9

• Tu kokeke eitaalo lyetu ‘meitaalo eyapuki,’ ano momalongo gopaKriste. — Jud 20, 21