ONKALAMWENYO YOPAKRISTE

Ongiini aaihokani taya vulu okukoleka ondjokana yawo?

Abraham naSara, aaihokani ye li oshiholelwa oshiwanawa, molwaashoka oya li ye holathane noya simanekathana. (Gen 12:11-13; 1Pet 3:6) Ihe nonando ongawo, ondjokana yawo kaya li ya gwanenena, noya li ye na okwiidhidhimikila omaupyakadhi. Aaihokani otaya vulu okwiilonga ko shike koshiholelwa shaAbraham naSara?

Kaleni hamu kundathana. Yamukula neifupipiko uuna kuume koye a popi sha oshiwinayi molwaashoka a lulilwa. (Gen 16:5, 6) Kaleni hamu kala pamwe. Ulika kutya owu hole kuume koye kopandjokana mokupopya nomiilonga. Komeho gaayihe, kalekeni Jehova mondjokana yeni mokukonakona pamwe, mokugalikana nomoku Mu longela pamwe. (Omuuv 4:12) Oondjokana ndhoka dha kola, ohadhi simanekitha Jehova, Omutotipo gwelongekidho ndika eyapuki.

TALA OKAVIDIO NKENE AAIHOKANI TAYA VULU OKUKOLEKA ONDJOKANA YAWO, E TO YAMUKULA OMAPULO NGAKA:

Mokavidio hano, iinima yini tayi ulike kutya John naKerau oya li taya kanitha ekwatathano lyawo?
Omolwashike sha simana aaihokani ya kale haya popi ya mangulukilathana?
Oshiholelwa shaAbraham naSara osha kwathele ngiini John naKerau?
John naKerau oya ningi po shike opo ya koleke ondjokana yawo?
Omolwashike omusamane nomukulukadhi kaaye na okukala ya tegelela ondjokana yawo yi kale ya gwanenena?

Omathano: Iitopolwa ya za mokavidio ‘Nkene aaihokani taya vulu okukoleka ondjokana yawo.’ John naKerau taya katuka oonkatu ya koleke ondjokana yawo. 1. Ya kuutumba yi ili kokule. 2. Ya kwatathana miikaha. 3. Ya nyanyukwa taya longo pamwe momapya. — Otamu vulu okukoleka ondjokana yeni!