Eshito otali tu longo shike kombinga yuulaadhi?

Jehova ohe tu longo nkene tu na okuulika uukwatya wa fa we, okupitila miiholelwa yaalumentu naakiintu mboka ya popiwa mOmbiimbeli. Ihe eshito lye otali tu longo wo iiyilongomwa ya simana. (Job 12:7, 8) Otatu vulu okwiilonga ko shike kuulaadhi wonkoshi, wonkambe, wonkala, wokadhila okashuushuuka, alweela nosho wo wondjamba?

TALA OKAVIDIO ILONGA UULAADHI KESHITO, E TO YAMUKULA OMAPULO NGAKA:

• 

  Oonkoshi oonkadhi ohadhi ulike ngiini uulaadhi, uuna tadhi gamene uunkoshwena wadho?

• 

  Oonkambe ohadhi dheulwa ngiini opo dhi kale dhina uulaadhi uuna dhi li molugodhi?

• 

  Omolwashike onkala ihaayi tila omayoka guuzigo?

• 

  Ongiini uudhila uushuushuuka ooalweela hawu ulike uulaadhi?

• 

  Oondjamba ohadhi gamene ngiini uundjambwena wadho?

• Iinamwenyo mbika otayi ku longo shike kombinga yuulaadhi?