Jehova oha gamene oshigwana she

Opaasa yotango oya li oshiningwanima sha simana noonkondo. Ongulohi ndjono sho Farao a mono kutya osheeli she osha sa, okwa lombwele Moses a ti: “Indeni, one nAaisraeli yeni. Zii mo moshilongo shandje; indeni mu ka simaneke Omuwa, ngaashi mwi indile.” (Eks 12:31) Jehova okwa li u ulike kutya oha gamene oshigwana she.

Ngele tatu tala kwaashihe shoka sha ningwa mondjokonona yoshigwana shaJehova kunena, opu na uumbangi wa yela tawu ulike kutya Jehova ota tsikile nokuwilika noku shi gamena. Shika oshu ulikwa momisiuma yi li koombelewa dhetu oonene yedhina “Oshigwana shoka hashi ithanwa nedhina lyaJehova.”

TALA OKAVIDIO OMISIUMA YETU: “OSHIGWANA SHOKA HASHI ITHANWA NEDHINA LYAJEHOVA” NDJOKA YI LI KOWARWICK, E TO YAMUKULA OMAPULO NGAKA:

• 

  Oshilongitho shini Aakonakoni yOmbiimbeli ya li ya tameke okulongitha okuza lwopetameko lyo 1914, opo ya kwathele aantu ya kale ye na eitaalo mOmbiimbeli nosha li sha pondola ngiini?

• 

  Omashongo geni ga li ga holoka po mo 1916 nomo 1918 nuumbangi wuni tawu ulike kutya Jehova okwa li ta wilike ehangano lye?

• 

  Ongiini oshigwana shaJehova sha kala oshidhiginini nonando otashi patanekwa?

• 

  Uuyelele wuni uupe oshigwana shaJehova sha li sha mono mo 1935 nowa li we shi gumu ngiini?

• Ngele owa li wa ka talela po omisiuma ndjono, oshike wa mona mo tashi koleke eitaalo lyoye kutya Jehova ota wilike oshigwana she note shi gamene?