Hogolola ookuume koye pandunge

Shoka sha ningilwa Aaisraeli momalushandja gaMoab, oshi li elondodho kAakriste. (1Kor 10:6, 8, 11) Aaisraeli mboka ya li ya tameke okweendathana naakiintu Aamoabi mboka ya li ye hole omilalo dha nyata nokulongela iikalunga, oya li ya kokelwa momayono ga kwatwa miiti. Shika oshe etitha iilanduliko yiyemateka noonkondo. (Num 25:9) Otwa dhingolokwa kaaniilonga ooyakwetu kaanasikola, kaashiinda, kaakwanezimo nokaantu mboka tu shi ihaaya longele Jehova. Oshike tatu vulu okwiilonga mehokololo ndika lyomOmbiimbeli kombinga yoshiponga shokweendathana naantu mboka?

TALA OKAVIDIO IIHOLELWA TAYI TU LONDODHA PETHIMBO LYETU — OSHITOPOLWA, E TO YAMUKULA OMAPULO NGAKA:

• 

  Omadhiladhilo geni ga puka Simri nayalwe ya li ya lombwele Jamin?

• 

  Pinehas okwa kwathele ngiini Jamin a kale e na etaloko lyu uka?

• Eyooloko lini li li pokati kokwiihumbatela nawa omuntu ngoka kee shi omwiitaali nokukala kuume ke?

• Omolwashike tu na okukala twa kotoka, uuna tatu hogolola ookuume nokuli nomegongalo?

• Omolwashike tu na okuyanda uungundu kointaneta naantu mboka kaatu shi?