Kapu na shikukutu ihaashi hulu

Omamakelo otaga vulu oku tu teya omukumo nuupu, unene tuu ngele otwa kala noku gi idhidhimikila ethimbo nuule. David okwa li e shi kutya eshongo ndyoka lya li tali mu zile komukwaniilwa Saul, oli na oku ka hula, nonokutya oye a li ta ka ninga omukwaniilwa ngaashi Jehova a uvaneka. (1Sam 16:13) Eitaalo lyaDavid olye mu kwathele i idhidhimike noku tegelele Jehova oye a katuke onkatu.

Uuna tu li memakelo, otashi vulika shi tu pule tu longithe oondunge, uunongo nenge uunkulungu, opo tu lundulule onkalo yetu. (1Sam 21:12-14; Omayel 1:4) Nonando ongawo, omashongo gamwe otashi vulika ga tsikile nokuli nokonima sho twa ningi oonkambadhala ngaashi tatu vulu metsokumwe nomakotampango gOmbiimbeli. Moonkalo ndhoka, otu na okwiidhidhimika nokutegelela Jehova a katuke onkatu. Masiku ota ka hulitha po okumona iihuna akuhe ‘nota ka theta omahodhi agehe’ momeho getu. (Eh 21:4) Kutya nduno otwa mono ekwatho, konima sho Jehova a yi mo olunyala nenge omolwomatompelo galwe, uushili owo kutya: Kapu na shikukutu ihaashi hulu. Shoka itashi hekeleke tuu!

TALA OKAVIDIO AANTU YA HANGANA, MUUYUNI WA TOPOKA, E TO YAMUKULA OMAPULO NGAKA:

• Aakriste yamwe yomuumbugantu waAmerika oya li yi iyadha momashongo geni?

• Oyu ulike ngiini eidhidhimiko nosho wo ohole?

• Oya li ya tsikile ngiini okugandja eitulomo ‘kiinima mbyoka yi na oshilonga’? — Fil 1:10