Jehova oha dhimbulukwa iilonga yetu yuudhiginini

Omathimbo gamwe, otashi vulika tu kale tu uvite kutya iilonga yetu yuudhiginini mbyoka hatu longele yalwe, ihaye yi pandula nohaye yi dhimbwa nziya. Ongiini kombinga yaambyoka hatu longele Jehova? Kalunga ketu iha dhimbwa oonkambadhala dhetu dha mana mo dhoku mu longela noke na esiku e dhi dhimbwe. Nonando otu kale itaatu vulu okuninga shono twa li hatu ningi nale omoluukolele, ke na esiku e tu ethe. — Heb 6:10.

TALA OKAVIDIO JEHOVA OHA DHIMBULUKWA, E TO YAMUKULA OMAPULO NGAKA:

• Omumwatate Hibshman okwa li a longele ngiini Jehova nuudhiginini miinakugwanithwa yi ili noyi ili?

• Omomikalo dhini Jehova a li a ulike kutya ina dhimbwa omumwatate Hibshman konima yeso lyomukulukadhi gwe nokonima sho a kala a ngambekwa, omoluukulupe?

• Omolwashike tatu vulu okutya onkalamwenyo yomumwatate Hibshman oya li ya yambapala pethimbo a li miilonga yethimbo lyu udha? — Omayel 10:22