Omukwaniilwa David ta ulukile Salomo aahambudhi mboka taya longekidha iilongitho yokutunga otempeli

OMALIKO OKUZA MOOHAPU DHAKALUNGA

Kwathela aagundjuka ya pondole

David okwa li e shi kutya kekwatho lyaJehova, Salomo ota ka pondola mokutonatela iilonga yokutunga otempeli (1Ondjal 22:5; w17.01 ep. 29, okat. 8)

David okwa li a ladhipike Salomo i inekele muJehova noku ninge shoka shu uka (1Ondjal 22:11-13)

David okwa li a ningi ngaashi ta vulu a kwathele Salomo (1Ondjal 22:14-16; w17.01 ep. 29, okat. 7; tala ethano lyokombanda)

Omathano: 1. Omukuluntugongalo ta dheula omumwatate omugundjuka kombinga yokuungaunga nuukalata wiitopolwa moka egongalo hali uvithile. Omukuluntugongalo te mu ulukile okaalita koshitopolwa shegongalo, okakalata koshitopolwa shoka shi na okulongwa kegongalo nosho wo kiitopolwa mbyoka ya pewa oohandimwe. 2. Omumwatate omugundjuka ta ulukile omumwatate omukwawo nkene e na okulongitha okakalata koshitopolwa shegongalo.

IPULA NGEYI: ‘Ongiini tandi vulu okukwathela aagundjuka megongalo lyetu ya kale ya nyanyukwa noya pondole mokulongela Jehova?’ — w18.03 ep. 11-12, okat. 14-15.