1-7 APILILI
EPISALOMI 23–25
Eimbilo 4 negalikano | Omatyokosha gopetameko (omunute 1)
1. “Omuwa oye omusita gwandje”
(ominute 10)
Jehova ohe tu wilike (Eps 23:1-3; w05 11/1 ep. 23, okat. 10)
Jehova ohe tu gamene (Eps 23:4; w05 11/1 ep. 24-25, okat. 13-15)
Jehova ohe tu palutha (Eps 23:5; w05 11/1 ep. 26, okat. 17, 18)
Jehova oku na ko nasha naapiya ye, ngaashi owala omusita omunahole ha kala e na ko nasha noonzi dhe.
IPULA NGEYI: ‘Jehova okwa ulika ngiini kutya oku na ko nasha nangame paumwene?’
2. Omaliko gomOmbiimbeli
(ominute 10)
Eps 23:3 — ‘Ondjila yu uka’ oshike, noshike tashi vulu oku tu kwathela kaatu ze mo muyo? (w11 2/1 ep. 24, okat. 1-3)
Omaliko geni wa mona melesho lyOmbiimbeli lyoshiwike shika?
3. Elesho lyOmbiimbeli
(ominute 4) Eps 23:1–24:10 (th oshitsa 5)
4. Tameka oonkundathana
(ominute 3) UUNZAPO WONTUKULUKA. Kundathana nomuntu enyolo tali tsu omukumo, ngoka e ku lombwele kutya oti ipula kombinga yaashoka tashi inyenge momudhingoloko. (lmd oshileshwa 2, oshitsa 5)
5. Ninga omaishunoko
(ominute 4) EGUMBO NEGUMBO. Ulukila omuntu ngoka wa pa okambo Kala nonkalamwenyo ombwanawa sigo aluhe, nkene ekonakonombiimbeli hali ningwa. (lmd oshileshwa 9, oshitsa 3)
6. Ninga aantu aalongwa
(ominute 5) lff oshileshwa 14, oshitsa 4 (lmd oshileshwa 11, oshitsa 3)
Eimbilo 54
7. Ohatu yanda okupulakena kewi lyaamboka kaatu shi
(ominute 15) Oonkundathana.
Oonzi dho dhenedhene, ohadhi kala dhi shi ewi lyomusita gwadho nohadhi mu landula. Mepingathano naashono, ohadhi fadhuka po, uuna dha uvu ewi lyaangoka kaadhi shi. (Joh 10:5) Sha faathana, natse ohatu pulakene kewi lyAasita yetu aanahole noye shi okwiinekelwa, Jehova naJesus. (Eps 23:1; Joh 10:11) Nonando ongawo, ohatu yanda okupulakena kewi lyaamboka kaatu shi, mboka haya kambadhala okunkundipaleka eitaalo lyetu, moku tu ‘hokololela iifundja.’ — 2Pet 2:1, 3.
Genesis ontopolwa ontintatu oya yelitha nkene ewi lyaangoka kee shiwike, lya li lya uvika oshikando shotango kombanda yevi. Satana okwa li a popi naEva momukalo gwekotokelo, opo kaa tseye kutya ota popi nalye. Okwa i iningi a fa kuume ke, nokwa li a pilike shoka Jehova a popi nosho wo einyengotompelo lye. Shiyemateka, Eva okwa pulakene kuye, shoka she mu etele okumona iihuna nosho wo oluvalo lwe.
Kunena, Satana oha kambadhala okukuna omalimbililo mutse kombinga yaJehova nehangano lye, mokutaandelitha omahokololo giifundja, oshili inaayi ihwa po nuuyelele tawu pukitha. Ngele otwa uvu ewi lyaangoka kaatu shi, natu ye ontuku! Okupulakena nokuli nando okashona kewi ndyoka, osha nika lela oshiponga. Mbela iitya ingapi Satana a li a pumbwa a pukithe Eva moonkundathana dhawo ndhoka dha li paufupi? (Gen 3:1, 4, 5) Ongiini ngele omuntu ngoka tu shi, ano ngoka e tu hole noku na etompelo ewanawa, okwa hala okupopya ehokololo ewinayi kombinga yehangano lyaJehova?
Dhana OKAVIDIO Ino pulakena ‘kwaamboka kuu shi.’ Opo nduno, pula aapulakeni:
Owi ilongo shike komukalo moka Jade a ungaunga nayina ngoka kee shi Onzapo, sho a li ta kambadhala oku mu pukitha?
8. Ekonakonombiimbeli lyEgongalo
(ominute 30) kr ontop. 8 okat. 14-18, oshimpungu “Iilongitho yokutoloka Ombiimbeli neendelelo” nosho wo “Uukwaniilwa waKalunga epangelo ngaa lyolela kungoye?”