Edhiminopo, manga ekuliloyambo inaali gandjwa

Otatu vulu owala okudhiminwa po oondjo dhetu, omolwekuliloyambo ndyoka Jesus a futa nombinzi. (Ef. 1:7) Ihe Ombiimbeli oya ti: ‘Kalunga okwa etha oondjo dhaantu, inee ya geela omolwadho,’ ano manga Jesus inaa gandja ekulilo. (Rom. 3:25) Jehova okwa li ta vulu oku shi ninga ngiini nopethimbo opo tuu mpoka ta kala a dhiginina omithikampango dhe dhuuyuuki?

Sho Jehova a uvaneke ‘oluvalo’ ndoka lwa li talu ka hupitha aantu mboka ye na eitaalo muye, pataloko lye, osha li sha fa ekuliloyambo lya gandjwa nale. (Gen. 3:15; 22:18) Kalunga okwa li e na uushili kutya peuthwathimbo lye, Omwana omuvalwa awike ota ka gandja ekuliloyambo ndyoka nehalo ewanawa. (Gal. 4:4; Heb. 10:7-10) Sho Jesus a li kombanda yevi e li omukalelipo gwaKalunga, okwa li e na oonkondopangelo dhokudhima po omayono, manga ekuliloyambo inaali gandjwa. Shoka okwa li e shi ningi mokutula miilonga ongushu yekuliloyambo ndyoka lya li tali pewa mboka ye na eitaalo. — Mat. 9:2-6.