Oshileshwa 16

Etokolo Lyoye lyOkulongela Kalunga

Ou na okuninga shike opo u ninge kuume kaKalunga? (1, 2)

Ongiini to iyapulile Kalunga? (1)

Uunake u na okuninginithwa? (2)

Ongiini to vulu okumona oonkondo dhokukala wa dhiginina muKalunga? (3)

1. Opo u ninge kuume kaKalunga, ou na okumona ontseyo yi ihwa po yoshili yOmbimbeli (1 Timoteus 2:3, 4), okwiitaala iinima mbyoka wi ilongo (Aaheberi 11:6), okwiiyela ombedhi omolwuulunde woye (Iilonga 17:30, 31, NW), nokwiigaluluka monkalamwenyo yoye. (Iilonga 3:19) Opo nduno ohole yoye yokuhola Kalunga oyi na oku ku inyengetha u igandje kuye. Shika otashi ti kutya megalikano lyoye lyopaumwene oto mu lombwele kutya ngoye oto igandja kuye u longe ehalo lye.—Mateus 16:24; 22:37.

2. Konima ngele wi iyapulile Kalunga, ou na okuninginithwa. (Mateus 28:19, 20, NW) Eninginitho otali tseyitha ayehe kutya ngoye owi iyapulila Jehova. Onkee ano eninginitho olyaamboka owala ya koka taya vulu okuninga etokolo lyokulongela Kalunga. Ngele omuntu ta ninginithwa, olutu lwe aluhe olu na okutulwa kohi yomeya okathimbo okafupi.a—Markus 1:9, 10, NW; Iilonga 8:36, NW.

3. Konima ngele wa ningi eiyapulo lyoye, Jehova ota ka tegelela u iyuthe keuvaneko lyoye. (Epsalmi 50:14; Omuuvithi 5:4, 5) Ondiaboli otayi ka kambadhala oku ku ethitha po okulongela Jehova. (1 Petrus 5:8) Ihe hedha kuKalunga megalikano. (Aafilippi 4:6, 7) Konakona Oohapu dhe esiku kehe. (Epsalmi 1:1-3) Dhama kegongalo. (Aaheberi 13:17) Mokuninga ayihe mbika, oto ka mona oonkondo dhokukala wa dhiginina muKalunga. Kungeyi oto vulu okuninga iinima mbyoka Kalunga ta pula kungoye sigo omuukwaaluhe!

[Enyolo lyopevi]