Shoka tatu vulu okutya ngele tatu gandja iifo

Oshungonangelo 1 Maal.

Aaihokani oyendji kunena kaye uvite elago. Okuhengathana oku li apuhe. Ihe mbela oto dhiladhila ngaa kutya aaihokani otaya vulu okukala ye uvite elago mondjokana yawo? [Tegelela a yamukule.] Onda hala oku ku ulukila nkene ovelise ndjika yOmbiimbeli tayi tu ulukile kutya shika otashi wapa. [Lesha Omayeletumbulo 24:3.] Moshitopolwa shoka shi li pepandja 13, shi na oshipalanyolo: “Nghee ovalihomboli tava dulu okukala va hafa mohombo yavo,” oto ka mona mo uuyelele oundji wu na oshilonga.

Awake! Maal.

“Mbela iidhila oya nika oshiponga nenge hasho? [Tegelela a yamukule.] Ombiimbeli oyi na etyokosha ndika ehokithi. [Lesha Jesaja 65:11.] Oshitopolwa shika otashi kundathana ngele iidhila otayi tsu tuu kumwe nomalongo gOmbiimbeli.” Mu ulukila oshitopolwa shoka tashi tameke pepandja 10.

Oshungonangelo 1 Apl.

“Kehe esiku ohatu uvu kombinga yokumona iihuna, omikithi neso. Mbela opu na ngaa esiku natu ka kale twa gamenwa kiinima ya tya ngawo? [Tegelela a yamukule.] Ovelise ndjika yOmbiimbeli oya pa aantu omamiliyona etegameno. [Lesha Johannes 3:16.] Oshifo shika oshi na oshipalanyolo ‘Nkene eso lyaJesus tali vulu oku ku hupitha.’ ”

Awake! Apl.

“Mbela oto dhiladhila ngaa kutya opu na esiku natu ka kale methimbo ndyoka lya popiwa mpaka? [Lesha 2 Timoteus 3:1-4. Opo nduno tegelela a yamukule.] Opu na omatompelo omawanawa ngoka tage tu ningitha tu kale tu na ohokwe onene momasiku gahugunina molwaashoka okukala po kwago otaku ulike kutya opu na iinima iiwanawa ya pungulilwa evi. Oshifo shika otashi shi yelitha.”