Shoka tatu vulu okutya ngele tatu gandja iifo

Oshungonangelo 1 Mei

“Aantu oyendji kunena ohaya ungaunga nayalwe nonyanya. Omolwashike haye shi ningile? [Tegelela a yamukule. Opo nduno lesha Lukas 6:31.] Moshifo shika pepandja 7 opu na oshitopolwa shoka tashi pula tashi ti: ‘Otu na okukala tatu ungaunga ngiini nayalwe?’ Otashi tu kwathele nkene tu na okuungaunga naantu yalwe.”

Awake! Mei

Lesha Mateus 6:10 e to pula to ti: “Mbela owi ipula ngaa nale kutya ehalo lyaKalunga li na ko nasha nevi olini? [Tegelela a yamukule.] Ombiimbeli otayi ti kutya okuza ketameko Kalunga oku na elalakano li na ko nasha nevi nelalakano ndyoka inali lunduluka. Oshifo shika otashi shi yelitha nawa.” Ulika oshitopolwa shoka tashi tameke pepandja 10.

Oshungonangelo 1 Juni

“Aantu oyendji ohaya ti kutya ohayi itaale owala shoka taya vulu okumona. Mbela nangoye oto tsu kumwe nayo? [Tegelela a yamukule. Opo nduno lesha Aaroma 1:20.] Oshifo shika otashi tsu omuthindo uukwatya waKalunga wu li utatu mboka tatu vulu okumona sha yela okupitila meshito notashi kundathana nkene okutseya uukwatya mbuka tashi ke tu guma.”

Awake! Juni

“Okutekula okanona oshi li eshongo, unene tuu uuna taka thiki mepipi lyokamukondapweyu nokumona omalunduluko omanene. Mbela openi aavali taya vulu okwaadha omayele ge shi okwiinekelwa? [Tegelela a yamukule. Opo nduno lesha Jesaja 48:17, 18.] Oshifo shika otashi gandja omaetopo gamwe ge li pethimbo ngoka taga kwathele aavali ya katuke nuunongo nonoondunge.”