Shoka tatu vulu okutya ngele tatu gandja iifo

Oshungolangelo 1 Novomba

“Aantu yamwe ohaya dhiladhila kutya Kalunga ihu uvu omagalikano getu. Ngoye oto dhiladhila ngiini? [Tegelela a yamukule.] Tala shoka Ombiimbeli tayi ti. [Lesha Episalomi 65:2.] Oshifo shika otashi tu kwathele nkene tu na okugalikana naashoka tu na okupula opo Kalunga a pulakene omagalikano getu.” Mu ulukila oshitopolwa shoka tashi tameke pepandja 10.

Novomba

“Mbela sho to tala kunena, omalongelokalunga otaga humitha komeho ohole nombili nenge otaga humitha komeho uutondwe nomalugodhi? [Tegelela a yamukule.] Aantu oyendji ihaya tula miilonga oohapu dhaJesus tadhi landula. [Lesha Mateus 5:44, 45.] Oshifo shika otashi yamukula epulo ndika: Mbela otashi vulika ngaa ndi kale ndi hole omutondi gwandje?” Mu ulukila oshitopolwa shoka tashi tameke pepandja 10.

Oshungolangelo 1 Desemba

“Mbela sho to tala iinima mbyoka hayi longwa moongeleka otayi adhika ngaa mOmbiimbeli? [Tegelela a yamukule.] Ombiimbeli otayi tu londodha tu takamithe omalongo giifundja. [Lesha Aakolossa 2:8.] Oshifo shika otashi gandja uuyelele washili kombinga yomalongo gahamano ngoka itaaga tsu kumwe nOohapu dhaKalunga.”

Desemba

“Aantu yamwe oyi itaala kutya uuyuni owa shitwa, omanga yalwe yu uvite kutya owe ya po kuwo wene. Ngoye oto ti ngiini? [Tegelela a yamukule.] Tala shoka Ombiimbeli tayi ti. [Lesha Aahebeli 3:4.] Oshifo shika otashi yelitha nawa nkene eshito lyuuyuni lya tameka nonokutya elalakano lyawo olyashike.”