Oho longitha ngaa iipalanyolo mbyoka yi li moshikalimo shoshifo shetu?

Uuna twa pe omuntu oshifo, olundji oha tala poshikalimo opo ihe ta tameke oku shi yanuna. Oshikalimo shOshungolangelo ohashi kala niipalanyolo yi li molupe lwomapulo nosho wo omalombwelotumbulo nomapandja mpoka tayi adhika.

Otatu vulu okulongitha iipalanyolo mbyoka nawa mokutameka oonkundathana. Ngele oshitopolwa ohatu shi longo iikando oyindji momwedhi otu na okulongitha iipalanyolo ya yoolokathana. Uuna omunegumbo a kwatakana otatu vulu okuninga efalomo paufupi moku mu ulukila oshipalanyolo shimwe moshikalimo shoshifo e tatu ti: “Ngele owa hala okuuva eyamukulo otandi vulu oku ku thigila oshifo shika e tandi galuka tu kundathane nale uuna wu na ethimbo.” Aauvithi yamwe oye hole okutameka oonkundathana mokuulukila omunegumbo shoka shi li moshikalimo noku mu pula a hogolole mo oshipalanyolo shoka a hokwa. Ohayu ulukile omunegumbo mpoka eyamukulo tali adhika nokulesha enyolo ndyoka haya kala yi ilongekidha nale komeho yethimbo. Otashi vulika nangoye wu dhiladhile omikalo dhilwe nkene to vulu okulongitha oshikalimo shOshungolangelo yi kale tayi nana aapulakeni yetu.