Kala ho longitha aluhe okafo Mbela owa hala okutseya oshili?

1. Okafo Tseya oshili oka nyanyangidhwa nelalakano lini?

¹ Okafo Mbela owa hala okutseya oshili? oka nyanyangidhwa ke tu kwathele mokutameka omakonakonombiimbeli. Ihe otatu vulu wo oku ka longitha tu taandelithe oombuto dhoshili. (Omuuv. 11:6) Ngashingeyi natu taleni omaetopo nkene tatu vulu oku ka longitha.

2. Ongiini tatu vulu okutameka oonkundathana tatu longitha okafo Tseya oshili?

² Nkene to vulu okutameka oonkundathana: Oto vulu okupa omunegumbo okafo e to mu ulukile omapulo gahamano ngoka ge li kombanda e to mu pula to ti: “Epulo lini pomapulo ngaka ho kala to ipula nalyo?” Uuna e li ku lombwele, longitha Enyolo limwe okuza mokafo ndyoka tali yamukula epulo lyomunegumbo e to li lesha. Lesha nenge wu ngonge epandja lya hugunina lyokafo e to mu pe embo Omalongo gOmbiimbeli. Ngele embo ine li hala, okafo hoka otashi vulika ke mu kwathele opo oshili yi mene omidhi momutima gwe. — Mat. 13:23.

3. Oshike tatu ka ninga po ngele otwa adha omunegumbo i ipyakidhila?

³ Uuna omunegumbo i ipyakidhila: Oto vulu okutya: “Molwaashoka owi ipyakidhila, otandi vulu oku ku thigila okafo haka. Oke na omapulo gahamano ngoka oyendji yomutse hatu ipula notaka gandja omayamukulo ga yela okuza mOmbiimbeli. Ngele otwa tsakanene ishewe, otandi ka kala nda nyanyukwa okuuva kutya ngoye oto ti ngiini kombinga yomapulo ngoka.”

4. Oshike tatu vulu okutya uuna tatu gandja okafo miilonga yepandaanda?

⁴ Uuna wu li miilonga yepandaanda: Konima ngele mwa popithathana oto vulu wu tye: “Mbela owi ipula nale limwe lyomomapulo ngaka? [Tegelela a yamukule.] Okafo haka otaka kagandja omayamukulo ga yela okuza mOmbiimbeli.” Ngele omuntu ine endelela, ota mu vulu oku kundathana eyamukulo limwe okuza mokatraktate noto vulu oku mu pa embo Omalongo gOmbiimbeli.

5. Ongiini tatu vulu okulongitha okatraktate uuna inaatu adha mo aantu megumbo?

⁵ Uuna megumbo kaamu na omuntu: Miitopolwa yimwe, aauvithi ohaya tula iileshomwa kohi yomweelo ngele inaya adha mo omuntu. Ngele nane osho ha mu ningi megongalo lyeni, oto vulu okutula okatraktate Tseya oshili kohi yomuyelo gwegumbo. Sho to ningi eishunoko, oto vulu okutya: “Otwa li po oshikando sha zi ko, ihe inatu mu adha mo megumbo. Otwa li twa thigi po okafo haka. Mokati komapulo ngano olini wa hala ndi yamukule?”

6. Omolwashike okatraktate Tseya oshili ke li oshilongitho tashi pondola muukalele?

⁶ Okatraktate Tseya oshili otaka longo aantu oshili momukalo omupu nogu shi okuuviwa ko nawa. Otaka opalele aantu yomomalongelokalunga agehe noyomomihoko adhihe. Okapu okulongithwa kaagundjuka nokaauvithi aape. Mbela oho ka longitha ompito kehe?