Okavidio kedhina Young People Ask — What Will I Do With My Life? (Oshitopolwa 1)
Sho aagundjuka taya koko, oye na okuninga omatokolo ga simana. Okavidio Young People Ask — What Will I Do With My Life? oka nyanyangidhwa nelalakano lyoku ya kwathela sho taya ningi omatokolo. Ngele owa yi poshikongitho, thinda mpoka pwa nyolwa Play Drama (Tala oshinyandwa) opo nduno to tala ngele oto vulu okuyamukula omapulo ngoka ge li mokatendo 2. Konima yaashoka, thinda mpoka pwa nyolwa Interviews (Omapulapulo) pomusholondondo gwoshikongitho, opo nduno to thindi mpoka pwa nyolwa Looking Back (Taya popi onakuziwa yawo) e to kambadhala wu yamukule omapulo ngoka ge li mokatendo 3.
Oshinyandwa: (1) Onkalo yaTimoteus oya faathana noyaagundjuka Aakriste oyendji kunena momikalo dhini? (2) Andre okwa li a thiminikwa ngiini a tompole muudhano wokumatuka? (3) Omumwatate Fleissig okwa li a lombwele Andre shike kombinga (a) yokwiiyapulila Jehova nosho wo yokulalakanena uudhano? (Mat. 6:24) (b) yaashoka hashi e ta enyanyu lyashili? (c) yaashoka okayaha ke hoka a za nako kokamba yoonkwatwa hake mu dhimbulukitha? (d) yaantu mboka ye li nayo methano nomukulukadhi gwe? (e) yangele okwa li i ipa uusama sho a lundulula omalalakano ge? (Fil. 3:8) (4) Yinakulu yaAndre okwa li a yamukula ngiini epulo lyaAndre ndyoka tali ti: “Mbela osha puka sho nda hala okuninga omumatuki dhingi?” (Luk. 4:5-7) (5) Mbela sho Andre a sindana methigathano osha li ngaa she mu etele enyanyu lyashili? (6) Owa li wa hokwa shike montumwafo yahugunina ndjoka omumwatate Fleissig a li a nyolele Andre? (Omayel. 10:22) (7) Omumwatate Fleissig okwa li a kwathele Andre a koneke shike?
Taya popi onakuziwa yawo: (8) Omumwatate nomumwameme oya li taya lalakanene omaithano geni, nomolwashike? (9) Oya li ya tompola shi thike peni? (10) Kehe gumwe okwa li i inyengithwa kushike a lundulule eithano lye? (2 Kor. 5:15) (11) Iinima yopambepo yini ya pingena po omaithano gawo gonale, nomolwashike ya li yu uvite kutya itaya vulu okulalakanena ayihe iyali? (12) Mbela oyi ipa uusama sho ya lundulula omalalakano gawo? (13) Oya popi shike shoka she ku ningitha wu talulule shoka wa hala okuninga monkalamwenyo yoye?
Tala omapulapulo galwe nosho wo uuyelele wa gwedhwa po e to kala wi ilongekidha okuninga omatyokosha sho tawu kundathanwa pOkugongala kwoPailonga moshiwike tashi ya.