Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaMei

“Aantu oyendji oye na Ombiimbeli, ihe ohaya zimine kutya ondhigu okuuviwa ko. Mbela owi ipula nale ngele Ombiimbeli otayi vulu okuuviwa ko?” [Tegelela a yamukule.] Mu ulukila oshitopolwa pepandja 15 mOshungolangelo yaMei-Juni e tamu kundathana okatendo kotango e tamu lesha limwe lyomomanyolo ngoka ge etwa mo. Mu pa oshifo e to ningi elongekidho wu galuke mu ye mu kundathane epulo lya landula ko.

Oshungolangelo Mei–Juni

“Aantu oyendji opo ya dhimbulukwa eso neyumuko lyaJesus. Ihe oyendji kaye shi kutya otali ya etela uuwanawa washike. Mbela owe shi ipula nale? [Tegelela a yamukule.] Tala kuuwanawa wa simana wa popiwa muka. [Lesha 1 Aakorinto 15:20-22.] Oshifo shika otashi yelitha kutya eyumuko lyaJesus otali ti shike kutse.”

Awake! Mei

“Otatu talele po aashiinda yetu tatu popi kombinga yomiyonena ndhoka dha yaga kegonga. Yamwe otaya dhiladhila kutya opo ku keelelwe omiyonena opu na okukutwa aapolisi oyendji. Ngoye oto ti ngiini? [Tegelela a yamukule.] Mbela owu shi kutya Ombiimbeli oyu uvaneka kutya omiyonena otadhi ka hula po? [Lesha Episalomi 37:10, 11.] Oshifo shika otashi popi kombinga yeuvaneko ndika notashi popi kombinga yiinima yimwe mbyoka tayi vulu oku tu kwathela twi igamene komiyonena.”