Okavidio okape kokutameka omakonakonombiimbeli

Okavidio okafupi ke na oshipalanyolo “Omolwashike wa pumbwa okukonakona Ombiimbeli?” otaka talwa kaantu oyendji ko-jw.org. Okavidio oka longekidhwa ki inyengithe aantu mboka ye na ohokwe ya taambe ko ekonakono lyOmbiimbeli lyoshali. Otaka vulu okumonika ngele owa thindi mpoka pwa nyolwa “Pula wu longwe Ombiimbeli oshali” pevi lyepandja lyotango nenge ngele wa scan okwoode yo-QR (quick response) ndjoka yi li konima yuutraktate wetu uupe. Mpaka otapu landula omikalo moka tatu vulu okulongitha nawa okavidio.

• Uuna to ningi eishunoko, tya komunegumbo: “Nandi ku ulukile okavidio okafupi hoka taka yelitha nkene to vulu okumona omayamukulo ngoka wu na gopaMbiimbeli?” Ngele okwa zimine mu ulukila okavidio kongodhi yoye nenge kokompiuta ye mwene.

• Ngele owa gandja okatraktate kamwe komwaamboka uupe sho wa gandja uunzapo wontukuluka nenge uunzapo womontaneho, mu ulukila okwoode yo-QR ngoye to ladhipike omuntu e yi scan nongodhi ye. Molwaashoka momalaka ogendji okwoode yo-QR ohayi ku fala shu ukilila kokavidio kepandja lyetu kOintaneta, omuntu ota vulu oku ka dhana pethimbo mpoka kongodhi yoye.

• Lombwela aaniilonga pamwe nangoye, aanasikola ooyakweni, aakwanezimo nosho wo aashiwikile yalwe kombinga yakavidio, ngoye to ya pula wu ke ya ulukile. Nenge wu ya tumine o-link yako, ngoye to ya lombwele ye ka tale paumwene.

Mokulongitha esiloshimpwiyu ndika epe, otatu ka vula okutameka omakonakonombiimbeli, okukwathela pambepo mboka “Kalunga e ya hogolola ya ka mone omwenyo gwaaluhe.” — Iil. 13:48.