Okuhwepopaleka uunkulungu wetu muukalele — Okwiilongekidha efalomo

Etompelo kutya omolwashike sha simana: Ngele efalomo lyetu itali pendutha ohokwe, omunegumbo otashi vulika a hulithe po oonkunduthana manga inaatu gandja uunzapo. Onkee ano, aauvithi oyendji ohaya kala ye wete kutya oohapu dhawo dhopetameko odho dha simanenena uuna taya ningi efalomo. Nonando iiholelwa yomafalomo ohayi kala mUukalele Wetu wUukwaniilwa nosho wo mokambo Oonkundathana dhopaMbiimbeli, ihayi kala ya kwatela mo efalomo alihe, opo tu vule oku li lundulula shi ikolelela konkalo yomunegumbo. Nonando oshiholelwa shefalomo oshi li mo ashihe, aauvithi otaya vulu okuhogolola ye li lundulule nenge ya longekidhe lyawo yene. Kungawo, otatu ka pondola ngele otwa longekidha nawa efalomo lyetu pehala lyoku ka popya kehe shimwe shoka she ya momadhiladhilo uuna omunegumbo e egulula omweelo. — Omayel. 15:28.