Iiholelwa yomafalomo
Nkene to vulu okutameka omakonakonombiimbeli mOlyomakaya yotango yaNovomba
“Ndhindhilika epulo ndika ehokithi. [Lesha epulo lyotango ndyoka li li konima yOshungolangelo yaNovomba-Desemba.] Ngoye oto ti ngiini? [Lesha uutendo uyali mboka wu li kohi yepulo ndyoka ne tamu lesha po nando enyolo limwe lyomwaangoka ge etwa po.] Mbela itandi vulu okugaluka, opo tu ye tu kundathane kutya omolwashike Uukwaniilwa waKalunga tawu ke etela aantu uuwanawa?”
Oshungolangelo Novomba-Desemba
“Mbela oto dhiladhila kutya aantu otaya yonagula evi noitaali ke ya we kondjila? [Tegelela a yamukule.] Nonando aantu itaya vulu okwoopaleka shoka ya yonagula, Ombiimbeli otayi ti kutya Kalunga ota vulu noku na ehalo oku shi ninga. Eshilipaleko ndyoka olyi li mEpisalomi 65:9. [Lesha] Oshungolangelo ndjika otayi kundathana nkene Kalunga ta ka sila evi oshimpwiyu nankene tatu ka vula okunyanyukilwa omayambeko ngoka gomonakuyiwa. Nandi shi ku thigile wu shi leshe?”
Oshungolangelo Novomba-Desemba
“Onda hala ndi ku pule epulo. Mbela ngele gumwe okwe ku ningile sha oshiwinayi, mbela sho to tala osha puka oku mu shunithila uuwinayi. [Tegelela a yamukule.] Ombiimbeli otayi tu lombwele nkene Kalunga ha kala u uvitile oshinima shoka. [Lesha Levitikus 19:18] Oshitopolwa shi li pepandja 8 lyoshifo shika otashi kundathana muule kombinga yaashoka.”