Longitha oonkondo dhOohapu dhaKalunga muukalele
Uuna omuntu e tu pe ompito tu popye naye kombinga yonkundana ombwanawa, ohatu longitha nawa ompito ndjoka. Ohatu longitha wo oonkondo dhOohapu dhaKalunga mokulesha Omanyolo okuza mOmbiimbeli yo yene. Shika osha li sha tsuwa omuthindo poshigongi shesiku li ikalekelwa shomumvo gwa zi ko. Omutonatelishikandjo okwa li a gandja oshipopiwa shi na oshipalanyolo: “Longitha oonkondo dhOohapu dhaKalunga muukalele.” Mbela oto dhimbulukwa iitsa ya simanenena?
Omolwashike Oohapu dhaJehova dhi na lela oonkondo dhi vulithe dhetu? — 2 Tim. 3:16, 17.
Ombiimbeli ohayi gumu ngiini omaiyuvo, omadhiladhilo, shoka shi li momitima nosho wo okuholola omikalo dhaantu? — Tala Oshungolangelo, 15 Juni 2012, ep. 26-27, okat. 7.
Uuna tatu leshele gumwe enyolo muukalele, ongiini tatu vulu okunanena eitulomo lye kOohapu dhaKalunga momukalo tagu mu simanekitha? — Tala membo Ofikola yOukalele, ep. 148, okat. 3-4 nosho wo okafo Uukalele Wetu wUukwaniilwa, kaMaalitsa 2013 ep. 6, okat. 8.
Omolwashike sha simana tu yelithe nokugandja omatompelo kOmanyolo ngoka twa lesha, nongiini tatu vulu oku shi ninga? — Iil. 17:2, 3; tala membo Ofikola yOukalele, ep. 154, okat. 4 sigo ep. 156, okat. 5.