ONGULUMAMBO MOINTANETA yiileshomwa yopaMbiimbeli

ONGULUMAMBO MOINTANETA

yiileshomwa yopaMbiimbeli

mwb16 Apilili ep. 3
Ladhipika yalwe noku ya tsa omukumo noohapu dhombili

Onkalamwenyo yopaKriste niilonga yokuuvitha—Okafo kokulongithwa pokugongala — 2016

mwb16 Apilili ep. 3

OMALIKO OKUZA MOOHAPU DHAKALUNGA | JOB 16-20

Ladhipika yalwe noku ya tsa omukumo noohapu dhombili

Omugandjimayele oku na okukala ha popi oohapu tadhi tungu yalwe

16:4, 5

Job okwa li a lulilwa noku uvite uudhigu, onkee okwa li a pumbwa okuyambidhidhwa nokutsuwa omukumo kuyalwe
Ookuume kaJob yatatu inaye mu hekeleka nando. Pehala lyaashono, oye mu lundile owala shoka sha gwedha ko kuudhigu we

Oohapu dhaBildad oombwinayi odha li dha lilitha Job sho e li muudhigu

19:2, 25

Job okwa li a kugile Kalunga ekwatho, nokwa li a hala nokuli a se
Job okwa li e na einekelo meyumuko nokwa tsikile okukala i idhidhimika

Elifas ta popi naJob, omanga Bildad naSofar ya tala ko

AALUNDILI YAJOB

Elifas:

Otashi vulika a za muTeman moshilando shaEdom. Teman osha popiwa muJeremia 49:7 shi li ondingandinga yuunongo wAaedom
Elifas otashi vulika oye a li omukuluntu nokwa li e na enwethomo olindji ‘maahekeleki’ mboka, noye a popi tango. Okwa gandja iipopiwa itatu nokwa li a popi shi vulithe paalumentu yaali mboka a li nayo

Omalundilo gaElifas:

Okwa sheke Job kutya ke shi omudhiginini nokwa ti kutya Kalunga ini inekela aapiya ye (Job 4, 5)
Okwa ti kutya Job iha lombwelwa ye omukolokoshi noiha tila Kalunga (Job 15)
Okwa lundile Job kutya omunalwiho ye ke shi omuyuuki. Okwa ti wo kutya omuntu ke na ongushu yasha koshipala shaKalunga (Job 22)

Bildad:

Ogwomoluvalo lwaShua. Otashi vulika a li ha kala pooha dhomulonga gwaEufrat
Oye a li omutiyali mokupopya. Iipopiwa ye itatu oya li iifupi notayi uvitha nayi noonkondo yi vulithe yaElifas

Omalundilo gaBildad:

Okwa ti kutya oyanamati yaJob oya yona noya li lela ye na okwaadhika kuupyakadhi, nokwa ti wo kutya Job ke shi omutilikalunga (Job 8)
Okwa ti kutya Job okwa li omukeenakalunga (Job 18)
Okwa popi kutya uudhiginini waantu kawu na ekwatho lyasha (Job 25)

Sofar:

Omunaema, tashi vulika a za kuumbangalantuninginino waArabia
Oye a li omutitatu mokupopya nokwa li a popi oohapu oonkunkutu dhi vulithe dhayakwawo. Okwa popi owala iipopiwa iyali

Omalundilo gaSofar:

Okwa lundile Job kutya ota popi oohapu dhanathangwa nokwe mu lombwele e ethe uukolokoshi we awuhe (Job 11)
Okwa ti kutya Job okwa li omukolokoshi nokwali ha nyanyukilwa uulunde (Job 20)