Eitaalo lyoye momauvaneko gaJehova olya kola shi thike peni?

Josua naSalomo oya koleka kutya kapu na nando euvaneko lyaJehova inaali gwanithwa. (Jos 23:14; 1Aak 8:56) Oohapu dhoonzapo ndhika dhi shi okwiinekelwa, otadhi tu kwathele tu kale tu na ekankameno lya kola, hoka tatu vulu okutungila eitaalo lyetu. — 2Kor 13:1; Tit 1:2.

Pethimbo lyaJosua, Jehova okwa li a gwanitha po omauvaneko ge. Ngoye negumbo lyoye, taleni okavidio: ‘Kapu na nando euvaneko limwe lya gwile pohi.’ Opo nduno yamukuleni omapulo ngaka: (1) Ongiini to vulu okuholela eitaalo lyaRahab? (Heb 11:31; Jak 2:24-26) (2) Oshiholelwa shaAkan otashi ulike ngiini kutya okuyonena owina ohaku eta iizemo iiwinayi? (3) Nonando aalumentu yokuGibeon oya li omapendafule, omolwashike ya kengelele Josua nokupanga ombili nAaisraeli? (4) Oohapu dhaJehova odha gwanithwa po ngiini, sho aakwaniilwa yatano yAayamori ya li taya kondjo nAaisraeli? (Jos 10:5-14) (5) Jehova okwe ku kwathela ngiini, sho wa pititha komeho Uukwaniilwa we nuuyuuki we? — Mat 6:33.

Uuna tatu dhiladhila kwaashihe shoka Jehova a ninga, ta ningi ngashingeyi naashoka ta ka ninga monakuyiwa, ohashi koleke eitaalo lyetu momauvaneko ge. — Rom 8:31, 32.