Dhimbulukweni omukulukadhi gwaLot!

Omolwashike omukulukadhi gwaLot a li a tala konima sho a li ta yi ontuku okuza muSodom? Ombiimbeli inayi shi popya. (Gen 19:17, 26) Iinima mbyoka Jesus a popi, opo a gandje elondodho ndika otayi ulike kutya otashi vulika a li ta dhiladhila kiinima mbyoka a thiga po. (Luk 17:31, 32) Ongiini tatu vulu okuhenuka okukala inaatu hokiwa kuKalunga ngaashi omukulukadhi gwaLot a li inaa hokiwa kuYe? Okulalakanena onkalamwenyo yuuzeko hako tu kala twa pititha komeho. (Mat 6:33) Jesus okwe tu longa kutya ‘itatu vulu okulongela Kalunga pamwe nemona.’ (Mat 6:24) Ihe ongiini ngele otwa mono kutya iinima yopamaliko otayi tameke okumana po ethimbo lyetu lyiinima yopambepo? Otatu vulu okugalikana Jehova e tu pe oondunge dhokuyoolola, tu mone mpoka twa pumbwa okuninga omalunduluko notu kale tu na uulaadhi noonkondo dhoku shi ninga.

YAMUKULA OMAPULO TAGA LANDULA GA KANKAMENA KOKAVIDIO KIITOPOLWA ITATU: DHIMBULUKWENI OMUKULUKADHI GWALOT!

• 

  Ongiini ohole yokwiikongela iimaliwa oyindji ya li ya nwetha mo nayi okudhiladhila, okupopya nosho wo oonkatu dhaGloria?

• Oshiholelwa shomukulukadhi gwaLot oshi li ngiini elondodho kutse kunena?

• Okutula miilonga omakotampango gOmbiimbeli okwa kwathele ngiini Joe nuukwanegumbo we?

• Ekwatathano lyaAnna naantu yokiilonga yawo olya gumu ngiini uupambepo we?

• Omolwashike twa pumbwa okukala tu na omukumo ngele tatu thiminikwa tu pitithe komeho iimaliwa monkalamwenyo?

• Brian naGloria oya tameke ishewe ngiini okupititha komeho iinima yopambepo?

• Omakotampango geni wa ndhindhilika mokavidio haka?