Iilonga iiwanawa mbyoka itaayi dhimbiwa

Aapiya ayehe yaJehova otaya vulu oku mu longela iilonga mbyoka itaayi dhimbiwa. Ngaashi omuvali omunahole ngoka ihaa dhimbwa iilonga iiwanawa mbyoka ya longwa koyana, Jehova naye iha dhimbwa iilonga yetu nohole ndjoka hatu ulike mokusimanekitha edhina lye. (Mat 6:20; Heb 6:10) Odhoshili kutya okuvula kwetu noonkalo dhetu inadhi faathana. Ihe ngele otwa ningi ngaashi tatu vulu miilonga mbyoka tatu longele Jehova, otatu ka kala twa nyanyukwa. (Gal 6:4; Kol 3:23) Muule womimvo, aamwatate naamwameme omayovi oya longa moBetel. Mbela ito vulu okwiiyamba wu ka longe koBetel? Ngele ito vulu, mbela ito vulu okuladhipika gumwe e shi ninge nenge wu kwathele oshilyo shaBetel shi tsikile okulonga miilonga mbyoka yi ikalekelwa?

TALA OKAVIDIO IYAMBA WU YE MIILONGA YABETEL, E TO YAMUKULA OMAPULO NGAKA:

• Elalakano lyoku ka longa koBetel olini?

• Yamwe oya popi shike kombinga yomayambeko ngoka ya mona sho taya longo moBetel?

• Iitegelelwa oyini yoku ka longa koBetel?

• Ongiini to vulu okutula mo eindilo wu ka longe koBetel?