“Kaleni nokudhiladhila iinima mbyoka”

Iinima yini? Aafilippi 4:8 otayi ti kutya natu kale hatu dhiladhila iinima mbyoka iiwanawa noya gwana okusimanekwa, yoshili, yo opala, yu uka, ya yogoka noyi na epopilo ewanawa. Shika itashi ti kutya Aakriste oye na owala okukala taya dhiladhila kombinga yOmbiimbeli ethimbo kehe. Ihe nonando ongawo, iinima mbyoka tatu dhiladhila oyi na okukala tayi nyanyudha Jehova. Inayi tu ningitha kaatu kale aadhiginini kuye. — Eps 19:14.

Ohashi vulika shi kale oshidhigu tu yande okudhiladhila kiinima inaayi yogoka. Ohatu kondjo nokwaagwanenena kwetu nosho wo naSatana, “kalunga komuuyuni mbuka.” (2Kor 4:4) Molwaashoka oye ha nwetha mo aantu, iinima mbyoka hayi kala kotiivi, koradio, kointaneta nomomambo nomiifo, oya nyata. Otwa pumbwa okuhogolola nawa shoka tatu tula momadhiladhilo getu, oshoka okudhiladhila kwetu otaku vulu okunyatekwa, naashoka otashi ka guma eihumbato lyetu. — Jak 1:14, 15.

TALA OKAVIDIO YANDA SHOKA TASHI YONO PO UUDHIGININI WOYE — OMAINYANYUDHO INAAGA YOGOKA, E TO YAMUKULA OMAPULO NGAKA:

• 

  Omumwatate okwa li ha tala shike mongodhi ye, noshe mu gumu ngiini?

• 

  Aagalati 6:7, 8 nosho wo Episalomi 119:37 oye mu kwathele ngiini?