Okuhwepopaleka uunkulungu wetu muukalele​—Kala ho ningi omalunduluko

OMOLWASHIKE SHA SIMANA?: Aagwayekwa noonzi dhilwe ohaya hiya aantu yomomihoko adhihe ya “taambe omeya gomwenyo omagano.” (Eh 22:17) Omeya ngoka otaga thaneke elongo lyomOmbiimbeli ndyoka Jehova ha pe aantu aavuliki momikalo dhi ili nodhi ili, e ya hupithe muulunde nomeso. Opo tu kwathele aantu yomithigululwakalo noyomaitaalo gi ili nogi ili, otwa pumbwa oku ya lombwela “onkundana ombwanawa yaaluhe” momukalo ngoka tagu ya opalele pauhandimwe. — Eh 14:6, NW.

NKENE TATU VULU OKU SHI NINGA:

• Hogolola oshikundathanwa nenge enyolo ndyoka tali ka guma omitima dhaantu moshitopolwa sheni. Oto vulu okuhogolola oshiholelwa shoonkundathana nenge wu longithe efalomo lyoye mwene ndyoka wu wete kutya ohali pondola. Iikundathanwa nomanyolo geni aantu ye hole? Mbela opu na iiningwanima mbyoka opo ya ningwa aantu oyendji tayi ipula nayo? Oshikundathanwa shini tashi opalele aalumentu nenge aakiintu?

• Popitha aantu momukalo moka haya popithwa moshitopolwa sheni manga inoo tameka oonkundathana nayo. — 2Kor 6:3, 4

• Kala wu shi iileshomwa nuuvidio mboka hatu longitha muukalele, opo wu vule okukwathela ngoka tu ulike ohokwe

• Tapela moshikwaelektronika shoye iileshomwa nuuvidio momalaka gaantu mboka tashi vulika wu tsakaneke moshitopolwa sheni

• Lundulula oshikundathanwa shoye shi ikolelela koompumbwe dhomunegumbo. (1Kor 9:19-23) Pashiholelwa, oto ka popya shike ngele owu uvu kutya omunegumbo opo owala a silwa?

TALA OKAVIDIO, E TO YAMUKULA OMAPULO NGAKA:

• Omuuvithi okwa tameke ta kundathana shike nomunegumbo?

• Omunegumbo okwa li e li muupyakadhi wuni?

• Enyolo lini lya li tali opalele monkalo ndjoka nomolwashike?

• Oho lundulula ngiini efalomo lyoye li kale tali opalele aantu moshitopolwa sheni?