Kala omudhiginini sho ehulilo li li pokuthika

OMOLWASHIKE SHA SIMANA?: Iiningwanima iikumithi masiku otayi ka makela uulaadhi wetu neinekelo lyetu muJehova inaashi monika nale. Uudhigu unene otawu ka tameka nokuhanagulwa po kwomalongelokalunga giifundja. (Mat 24:21; Eh 17:16, 17) Pethimbo lyiiningwanima mbyoka, otashi vulika tu ka uvithe etumwalaka tali dhenge pomutima lyepangulo. (Eh 16:21) Otatu ka ponokelwa kuGog yaMagog. (Hes 38:10-12, 14-16) Jehova ota ka ninga po shike? Ota ka e ta “iita mesiku enene lyaKalunga Omunankondoadhihe.” (Eh 16:14, 16) Opo tu ka kale aalaadhi monakuyiwa, otwa pumbwa okukala aadhiginini ngashingeyi, uuna tatu makelwa.

NKENE TATU VULU OKU SHI NINGA:

• Kala wa lenga omithikampango dhaJehova dha dhenga mbanda. — Jes 5:20

• Tsikila okulongela Kalunga pamwe nAakriste ooyakweni. — Heb 10:24, 25

• Kala ho vulika nziya komalombwelo ngoka taga zi kehangano lyaJehova. — Heb 13:17

• Kala ho dhiladhila kunkene Jehova a li a hupitha oshigwana she monakuziwa. — 2Pet 2:9

• Kala ho galikana kuJehova nokwiinekela muye. — Eps 112:7, 8

TALA OKAVIDIO IININGWANIMA YOMONAKUYIWA MBYOKA TAYI KA PULA UULAADHI — OSHITOPOLWA, E TO YAMUKULA OMAPULO NGAKA:

• 

  Uudhiginini waauvithi yamwe owa li wa makelwa ngiini sho egongalo lyawo lya li lya tulwa mumwe nomagongalo omakwawo?

• 

  Okuvulika ohaku tu kwathele ngiini tu kale tu na uulaadhi?

• 

  Omolwashike tatu ka kala twa pumbwa uulaadhi pethimbo lyaArmagedon?

• 

  Ehokololo lini lyomOmbiimbeli tali vulu oku tu kwathela tu koleke eitaalo lyetu muJehova nomoonkondo dhe dhoku tu hupitha? — 2Ondjal 20:1-24