Tanga Jehova wu li omukokolindjila

Aaisraeli oya li ye na omatompelo ga simana gokutanga Jehova. Okwa li e ya kutha mo muEgipiti nokwe ya hupitha ketangakwiita lyaFarao. (Eks 15:1, 2) Jehova ota tsikile okuningila oshigwana she uuwanawa. Ongiini tatu vulu okuulika kutya otwe mu pandula? — Eps 116:12.

Omukalo gumwe, omokulonga wu li omukwathelikokolindjila nenge omukokolindjila gwondjigilile. Oto vulu okugalikana kuJehova e ku pe ehalo noonkondo wu ninge omukokolindjila. (Fil 2:13) Oyendji ohaya tameke tango nuukwathelikokolindjila. Oto vulu okuhogolola okulonga oowili 30 nenge 50 poomwedhi dhEdhimbuluko, Maalitsa naApilili, nopethimbo lyetalelopo lyomutonatelishikandjo. Ngele owa mono nkene tashi ku etele enyanyu sho wa longo wu li omukwathelikokolindjila, oto vulu okuninga oonkambadhala wu ninge omukokolindjila gwondjigilile. Aauvithi yamwe mboka haya longo nokuli ethimbo lyu udha nenge ye na uunkundi wopalutu, oya vula okulonga ye li aakokolindjila yondjigilile. (mwb16.07 ep. 8) Onkee ano, Jehova okwa gwana okutangwa kutse! — 1Ondjal 16:25.

TALA OKAVIDIO AAMWAYINAKADHONA YATATU MOMONGOLIA, E TO YAMUKULA OMAPULO NGAKA:

• 

  Aamwayinakadhona yatatu oya li ye na omashongo geni noshike ya ningi, opo ya ninge aakokolindjila?

• 

  Omayambeko geni ya li ya mono?

• 

  Oompito dhini ya li ya mono sho ya li taya longo ye li aakokolindjila yondjigilile?

• 

  Oshiholelwa shawo osha gumu ngiini yalwe?