Shoka tatu ilongo kuSamuel

Samuel okwa kala omudhiginini kuJehova onkalamwenyo ye ayihe. Pethimbo a li omugundjuka, okwa tindi okulandula ondjila ya puka, ndjoka ya li ya landulwa koyanamati yaEli, Hofni naPinehas. (1Sam 2:22-26) Samuel okwa koko, nOmuwa okwa kala pamwe naye. (1Sam 3:19) Samuel sho a kulupa, okwa tsikile okweenda mondjila yaJehova, nonando oyanamati oya li ya tsu mo dhawo. — 1Sam 8:1-5.

Oshike tatu ilongo koshiholelwa shaSamuel? Ngele owu li omugundjuka, kala wu na einekelo kutya Jehova oku uvite ko omashongo ngoka to kondjo nago nosho wo nkene wu uvite. Ota vulu oku ku kwathela wu kale omulaadhi. (Jes 41:10, 13) Ngele owu li omuvali nowu na omumwoye ngoka a tsa mo dhe, kala wa hekelekwa mokutseya kutya Samuel ka li a kondjithile oyana ya kale aadhiginini komithikampango dhaJehova. Okwa li a ethele iinima momake gaJehova, nokwa tsikile okukala omudhiginini nokwa hokiwa kuHe gwomegulu, Jehova. Oshiholelwa shoye oshiwanawa otashi vulika shi ka inyengithe omumwoye a galukile kuJehova.

TALA OKAVIDIO ILONGA SHA KUYO — SAMUEL, E TO YAMUKULA OMAPULO NGAKA:

• 

  Samuel oku ulike ngiini uulaadhi, pethimbo a li omushona?

• 

  Danny oku ulike ngiini uulaadhi?

• 

  Samuel okwe tu tulila po ngiini oshiholelwa oshiwanawa e li omukokele?

• 

  Aavali yaDanny oya tula po oshiholelwa shini oshiwanawa?