Jehova “oye esindano molugodhi”

Eitaalo lyaDavid muJehova olya li lya kankamena kontseyo nosho wo kowino (1Sam 17:36, 37; wp16.5 ep. 11, okat. 2-3)

Sho David a tala Goliat, okwe mu yelekanitha naJehova, pehala lyoku mu yelekanitha naye (1Sam 17:45-47; wp16.5 ep. 11-12)

Jehova okwa li a kwathele David a sinde omutondi gwe, ngoka a li ta monika omunankondo nomutilithi (1Sam 17:48-50; wp16.5 ep. 12, okat. 4; tala ethano lyokombanda)

Omathimbo gamwe, otashi vulika tu iyadhe momashongo omanene, ngaashi omahepeko nenge omukalondjigilile gwontumba gwa nyata. Uuna omaupyakadhi taga monika ga fa omanene, natu dhimbulukwe kutya omashona okuyelekanitha naJehova, ngoka e na oonkondo dha shiga ko. — Job 42:1, 2.